ئارەزوو نوری10/2/2021 344 جار بینراوە

میدیای نابەرپرس


کەناڵێک سنوور بۆ بوکەڵەکانی دانەنێت؛ پێت سەیر نەبێ هەمیشە نموونەی داماڵراو لە ئیتیک و رەوشت بهێنرێتە سەر شاشەو ژەهر دەرخواردی وەرگر بدەن.


پێویستە بزانین ئەوانەی دەهێنرێنه سەرشاشەو دەیانکەن بەپاڵەوانی بەرنامە، لەلایەن کێ و چ بەرنامەیەک و چ کەناڵێک و بەڕێوەبەرێک میوانداری کراوه‌..


ئایا ئەو بوکەڵە نیمچە رووتانەی بەناوی پێشکەشکار میدالیای میدیاکاریان پێ بەخشراوە؟


هەر بەجدی بەڕێوەبەری کەناڵ و سەرپەرشتی بەرنامەکان لەنێو ئەو دەزگا راگەیاندنانە هیچ رەچاوی داب و نەریتی میللەتێک ناکا کاتێ ئەرکی ئەو خزمەتکردنە؟


تۆ کە پێشکەشکارێکت تا سەر ڕانی رووت و سینگ و بەرۆک لەوناوە، پێی نەڵێی نامانەوێ لەچاوی خەڵک بەهای خۆمان لەدەستدەین.. ئەی چاوڕێی چ نموونەیەک میوانی بەرنامەکانی بێت؟
هەندێ لەو بوکەڵانە خۆیان رەچاوی هیچ بنەمایەکی ئەخلاقی ناکەن تا بە میوانەکانی رابگات..


ئەو خۆی نازانێ وەک پێویست قسە جوان بجوێت و دەریبڕێ چ جای میوانەکەی..


ئەسڵا کەس نازانێ هەندێک لەو بەناو پێشکەشکارانە پیشەی سەرەکیان مۆدێلە یا میدیاکار؟


هەر چۆن ئەڕوانیتە سۆشیال میدیا هەریەک لەوپێشکەشکارانە دوای بەرنامە دەکەونە نمایشی جەستەو روخسارو پرچی خۆیان و بڵاوکردنەوەی بەنێو سۆشیال میدیا وەک ئەوەی نووسرابێ هەڕڕاج هەڕڕاج لێرە نەتبینی لەولا بیبینە..


هەربەجدی ئەگەر میدیاکار بۆ خزمەتی پیشەو جەماوەرەکەی هاتبێتە نێو مەیدانەکە ئەوە بەهەڕڕاجکردنی خۆی بۆ ئەکتیڤبوون هیچ بەهایەک بۆ خۆی پیشەکەی ناهێڵێتەوە..


بۆیە پێویستە ئەم فەوزاگەلەی لەشاشەکان دەبینرێن و هیچ سانسۆرێک بۆ قسەو جلوبەرگیان دانانرێت، بوەستێنرێت و میدیای کوردی لەوە زیاتر بەهای خۆی لەدەست نەدات.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure