شێرزاد حەسەن رەزا2/1/2021 889 جار بینراوە

هەرێم و کۆتایی دەسەڵاتی کوردی

کاتێک بەمێژووی سی ساڵەی دەسەڵاتی کوردیدا دەچینەوە،لەوە تێ دەگەین کە مرۆڤی کورد توانای دەسەڵاتی خۆ بەرێوەبردنی نیە،ئەمەش پەیوەستە بە هەستی کویلەبوون و خۆ بە بچووک زانین بەرامبەر نەتەوەکانی تر،رەنگە لێرەولەوێ ئەمە ببێتە رەخنەو ئاراستە بووچوونەکەم بکرێت،چونکە دەیان زانا و گەورە پیاو و بیرمەندمان هەبوو و خزمەتیان کردوە،بەڵام دەپرسین ئایا خزمەتیان بەکێ و چ دەسەڵاتێک کردوە،بەردەوام هەستی پلە دووی لە ناخیاندا گەشەی کردوە،بەردەوام ئارەزووی بچووکی بۆسوڵتان و سەرۆک و دەسەڵاتی غەیرەکوردیمان هەبووە.

 

مێژوومان پڕە لە ململانێ ی یەکتر و شکانی تاکی کوردی،ئەمە مێژووە دەتوانین لە ئیمارەتە کوردیەکانەوە دەست پێ بکەین،شەرفنامەی بەدلیسی پڕە لە نمونەی خیانەتی مام و برازا و برا،.
لە مێژووی نوێدا خراپتر بووین،لە سید رەزا و شێخ سەعیدی پیرانەوە و تا قازی موحەمەد و شێخ مەحموود،هەموو خۆخۆری و ملشکان و یەکتربڕینەوە بووە تا دەگاتە شەڕی براکوژی و بەرەی جوود و شەڕی ناوخۆی کورد کوژی،،


ئەوە نەبێت بۆ ساتێکیش هۆشمان بە بیر بێتەوە


ئێستاش شەڕی یەکتر کردن هەر بەردەوامە،

ئەمەش پەیوەندی بە سایکۆلۆژی و بونیادی تاکی کوردەوە هەیە کە لە بنەڕەتدا ناتەواوە،


ئەمە پێویستی بە دیالۆگ و لێکۆڵینەوە و نمونە هێناوە نیە،چونکە هەموو ئازان کە هۆکارەکانی بخەنە ئەستۆی یەکتر ،چەپەکان بۆ سەر ئیسلامی سیاسی و ئیسلامیەکانیش بۆ سەر عیلمانەکان و
ئەم حیزب بۆ سەر ئەو حیزب وبە پێچەوانەشەوە.


هەموو کات یەکتر خەتا بار دەکەین و کەس کەسی خۆشناوێت،گەورەترین دەسکەوتی سەرکردایەتی بزوتنەوەی کوردی شکانی رکابەرە حیزبەکەتی وعەقڵی بەڕێوەبردنی لە چوارچێوەی گەڕەکێک و عەشرەتێک و شارێک تێپەڕ ناکات.


بەپێ ی ئەم مێژووە شڵۆق و هەڕەمەکی و کورتبینە بیت،حکومەتی هەرێمی کوردستان لە دوا ساتەکانی تەمەنی حکومڕانی نزیک بووەتەوە.کۆتایی دێت بە حوکمی کوردی بەدەستی کوردی و بۆهەتا هەتایی کوردستان دەبێت بە ئاردی ناو دڕک و بەکەس کۆ ناکرێتەوە.


هیچ راسپاردە و پێشنیازەک پێویست نیە بۆ راستکردنەوەی ئەم بارە ناهەمووارە،چونکە سەرکردایەتی سیاسی کوردستان،تەنها خاڵ کە گرنگ نەبێت،بەرژەوەندیە باڵاکانی گەلی کوردستان وبژێوی خەلکە لە پێشینەی هەموویانەوەیە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure