سنور ميديا
181 جار بینراوە 21/2/2021 03:53 PM

نێچیرڤان بارزانی: ئاماده‌ین ئه‌مڕۆ ده‌ست به‌ گفتوگۆیه‌كی جدی بكه‌ین



سنور ميديا 

نێچیرڤان بارزانی، سه‌رۆكی هه‌رێمی كوردستان ڕایده‌گه‌یه‌نێت، "ئاماده‌ین بۆئه‌وه‌ی ده‌ست به‌ گفتوگۆیه‌كی جددیی و ڕاشكاوانه‌ بكه‌ین".

 

نیچیرڤان بارزانى سەرۆکى هەرێم ئەمڕۆ یەکشەممە لەوتارێکدا لە رێوڕەسمی "شەهیدی نیشتمان" لە هەولێر بەبۆنەی 18ـەمین ساڵیادی شەهیدکردنی محەممەد باقر حەکیم وتى زەمینەیەکى باش هەیە بۆ بەهێزکردنەوەى پەیوەندییەکانى کورد و هێزە شیعییەکان، بەبەشدارى سوننەکان، چونکە بەبێ بەشدارى ئەوان هەموو پڕۆسەیەک ناتەواو دەبێت.

 

وتیشى "ئامادەین پێکەوە دابنشین و گفتوگۆ بکەین لەسەر بنەماى ئەوەى کێشەى هەر پێکهاتەیەک نابێتە سەرکەوتن بۆ هەر پێکهاتەیەکى دیکە، بەڵکو کاریگەرى خراپى دەبێت".

 

نیچیرڤان بارزانى جەختیکردەوە، هەردوو پێکهاتەى عەرەبی عێراق لە سوننە و شیعە دەزانن هیچ یەکێکیان بەتەنها و هەردوکیشیان بەبێ کورد ناتوانن هاوسەنگى دروستبکەن، بۆیە هاوبەشى هەموو پێکهاتەکان بۆ بەڕێوەبردنى عێراق تاکە رێگەیە بۆ بەڕێوەبردنى سەرکەوتوانە.

 

"نابێت هیچ پێکهاتەیەک چاوەڕوانى لەناوچوونى پێکهاتەیەکى دیکە بکات چونکە بێهودەیە، ئامادەین بۆ دەستکردن بە گفتوگۆیەکى جدى و راشکاو بۆ راستکردنەوەى پڕۆسەى سیاسی عێراق"، نێچیرڤان بارزانى وایوت.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure