قه‌ريلان
406 جار بینراوە 19/2/2021 01:55 PM

زه‌نگى شكستى گه‌وره‌ توركيا له‌زارى قه‌ريلان



سنور ميديا 

موراد قەرەیلان، ئەندامی کۆمیتەی بەڕێوبەری پەکەکە، ئاماژە بەوە دەکات، کە دەوڵەتی تورک بە پشتیوانیی ناتۆ هێرش دەکاتە سەر گەلی کورد و بزووتنەوەی ئازادیخوازی گەلی کورد و گەریلاش بەرگریی لە شەرەفی گەلەکەی دەکات لە بەرامبەر تیرۆری دەوڵەتی تورک، دەشڵێت: هێرشی ئەم زستانەی دەوڵەتی تورک شکستی هێنا.

 

لە میانەی بەشداری کردنیندا لە بەرنامەیەکی ڕادیۆی دەنگی وڵات، کە پێش هێرشی ئەم دواییەی دەوڵەتی تورکيا بۆسەر گارە تۆمار کراوە، موراد قەرەیلان ئەندامی کۆمیتەی بەڕێوبەریی پەکەکە هەڵسەنگاندنی کرد بۆ ٢٢مین ساڵیادی پیلانگێڕیی نێودەوڵەتی لە دژی ئۆجالان و ئۆپەراسیۆنەکانی دەوڵەتي تورکيا لەم زستانەدا.

 

سەرەڕای شەرمەزارکردنی پیلانگێڕان، قەرەیلان ڕایگەیاندوە "لە کەسایەتی ڕێبەر ئاپۆدا پیلانگێڕان تەواوی گەلی کوردیان کردە ئامانج، بەڵام بە خەبات و تێکۆشانی ڕێبەر ئاپۆ لە ئیمرالی و کادیرانی بزووتنەوەی ئازادی خوازیی و گەل، ئەم پیلانگێڕییە بێ ئەنجام ماوەتەوە و ئەگەرچی هێشتا لە دژی گەلی کورد بەردەوامە".

 

قەرەیلان باسی لەوەش کردووە، کە خەبات و بەرخۆدانی ٥٠ساڵەی ڕێبەر ئاپۆ لە ناو کۆمەڵگادا وای کردوە، کە کورد جارێکی دیکە هەستێتەوە سەر پێ و بگاتە ئاستێک کە پێشەنگایەتی تاکی دیموکرات بکات، لەسەر دەستی ئەو کەسانە داعش تێکبشکێت و مرۆڤایەتی لە گەورەترین مەترسیی ڕزگار بکرێت، هاوکات جیهانبینی ڕێبەر ئاپۆ وای کرد، کە ببێتە ڕزگارکەرێک بۆ هەموو گەلانی جیهان و نازناوی ماندێلای سەدەی ٢١ی پێ بدرێت.

 

لە بەشێکی دیکەی قسەکانیدا قەرەیلان دەستپێکردنی هەڵمەتی ئازادیی بۆ ڕێبەر ئۆجالان بە گرنگ ناودەبات، کە لەسەرتاسەری جیهانەوە پێشوازیی لێکراوە و ڕۆژ لە دوای ڕۆژ هزر و جیهانی بینی ڕێبەر ئۆجالان لە جیهاندا ڕەنگ دەداتەوە.

 

هاوکات دەستنیشانیشی دەکات کە "دەوڵەتی تورک بە پشتیوانیی ناتۆ لە دژی بزووتنەوەکەمان و گەلی کورد لەژێر ناوی شەڕی تیرۆردا شەڕ دەکات، بەڵام تیرۆریستی ڕاستەقینە خودی دەوڵەتی تورکە کە هیچ سنوورێکی مرۆڤایەتیی نەپاراستوە، ئەوەش گەریلایە، کە بەرگریی لە شەرەفی گەلەکەی دەکات".

 

لەسەر ئۆپەراسیۆنەکانی ئەم زستانەی تورکیا کە لە ژێر ناوی " ئەرەن"دا دەستی پێکردووە موراد قەرەیلان ڕای گەیاندوە، کە لە زستانی ئەمساڵدا (پێش گارە) سوپای تورک هەشت جار لە دژی گەریلا ئۆپەراسیۆنی لە باکووری کوردستان ئەنجام داوە، کە هەموویان بێ ئەنجام بوون و هێرشەکانی شکستیان هێناوە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure