هەڤاڵ ئەبوبەکر،
194 جار بینراوە 17/2/2021 03:15 PM

هه‌ڵوێستى دكتۆر هه‌ڤاڵ ئه‌بوبه‌كر له‌سه‌ر سزادانى ده‌ستگيركراوانى بادينان



سنور ميديا 

پارێزگاری سلێمانی رایگەیاند، کورد قوربانییە گەورەکەی مێژو و ئێستای دەستی زۆردارو ستەمکارو جەلادە، ستەم و ئاستەم و سەخت و ناڕەوایە ببینە قوربانیی دەستی یەکترو بچینە پێست و پۆستی زۆردارەوە، بۆ ئەوەی مانایەکی رەواو ڕاست بە ئازادیی ببەخشینەوە.

هەڤاڵ ئەبوبەکر، پارێزگاری سلێمانی ئەمرۆ چوارشەممە لە پەیامێکدا لە هەژماری تایبەتی خۆی لە تۆڕی کۆمەڵایەتی فەیسبوک بڵاویکردەوە، "ئەوەی هەرێمی کوردستانی کردوە بە هەرێمێکی گەشەکردو ئارام و سەقامگیر؛ ئازادییە، ئازادیی لە هەر شوێنێک هەبێت، ئارامیی و ئاسایش و دادپەروەریی و گەشەسەندن و بوژاندنەوەو داهێنان؛ لەو شوێنەدا دەبێت، ئەوەی ئێمە لە هەرێم و وڵاتانی تر جیادەکاتەوە؛ نەسوپایە، نە سیستمی دادوەرییە، نە ئابورییە، نە نەوتە، بەڵکو زەمینەی لەباری ئازادییە گشتییەکان و فرەیی و ئازادیی تاک و ڕاو ڕادەربڕین و مێدیایە".

 


هەڤاڵ ئەبوبەکر باسی لەوەشکردوە، "ئێمە کە قوربانییە گەورەکەی مێژو و ئێستای دەستی زۆردارو ستەمکارو جەلادین، ستەم و ئاستەم و سەخت و ناڕەوایە ببینە قوربانیی دەستی یەکترو بچینە پێست و پۆستی زۆردارەوە، بۆ ئەوەی مانایەکی ڕەواو ڕاست بە ئازادیی ببەخشینەوە، پێویستمان بە ڕێکخستن و پاراستنی ئازادییە؛ بۆ ئەوەی بیپارێزین، نەک بۆ ئەوەی سنوردارو بێناوەڕۆک و بێگەوهەرو بێمانای بکەین، ئێستا دەسەڵاتی دادوەریی و دامەزراوە دەستوریەکانی هەرێمی کوردستان لەبەردەم تاقیکردنەوەیەکی هەستیارو بەرپرسیارانەی گەورەدان".


ئاماژەی بەوەشکردوە، ڕەخنە؛ هەواو هەناسەی پاک دەکات بە گەروی سیستمی سیاسیی و کۆمەڵایەتیی و حکومڕانیدا، تەلاری دەوڵەتداریی پتەوو بەهێزو جوان و ڕێک وشەنگ دەکات، بەشداریی تاک لە سیاسەت و ژیانی گشتیدا دەسەلمێنێت، تیرۆر دەخاتە چاڵ و بیرو باوەڕو ڕەفتاری توندڕەوانە زیندەبەچاڵ دەکات.

 

پارێزگاری سلێمانی ئەوەشی خستەڕو، "ڕۆژی ئاشتبونەوەی گشتیی و دروستکردنەوەی متمانە بەیەکبون و سەربەخۆبونی دەسەڵاتەکان و لێبوردن و ڕۆژی ڕێکخستن و یەکخستن و پاراستنی بیرو باوەڕو گیان و ماڵ و کیان و نیشتمانی کوردستانە؛ نەک یەک؛ خستن، ڕێ؛ گرتن، ڕێ؛ داخستن، ڕۆژی کۆتایهێنانە بەو بیرو زمان و بڕیارانەی بەردەوام وەک نەشتەر، وەک تەورو وەک کوتەک؛ یەکتری پێ؛ کەرت و پەرت و وردو خاش و لەت و پەت دەکەین".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure